lunes, 2 de marzo de 2009

Berta Piñán. Reina Xinebra


REINA XINEBRA
Quieres pensar que ye la tarde tan llarga,
que la música niega los salones vacíos
y l´aire calla como callar de muerte.
Dende el balcón entós,
onde la lluz espésase en plenitú y solombra,
―quiciabes el misteriu que despierta a la nueche―
traeti dalgún tastu que el so llabiu posare como ñeve
nun besu
y cuasi con envidia sientes el cansanciu nel últimu
temblor de la batalla,
el sudor y sangre nos metales.
Non, l´hibiernu
nun fuera tan fríu si volviere,
si del mar les voces nun portaren
l´ácidu pruyir de la derrota.

Berta Piñán