miércoles, 3 de septiembre de 2008

Lourdes Álvarez García. Si fore preciso de esplicase



SI FORE PRECISO DESPLICASE



Porque siento que me pisa la memoria

nesti día de mayu esperanzáu,

que voi perder les llaves del to sueñu

y el cantar de los branos y el to nome,

porque mudes van quedar les lletres y la eiría,

porque naide ha guardate del exiliu

nin cantará por ti

les roses de les coses que quiximos.

Porque supi’l nacer que yera’l fin,

qu’un círculu metálicu t’ataba,

porque mal escondíes lo cansao,

namás por eso te viví;

p’apartar de nosostros la mentira,

pa volver otra vez y emocioname,

pa guardate, escribir del to cuerpu

los rasgos de los meses que me dieras.

Lourdes Álvarez García



(Nórdica)